संपादकीय... आपल्या दैनंदिन जीवनशैलीत छोटे पण शाश्वत बदल करणे गरजेचे.. दरवर्षी ५ जून उजाडला की , जगभरात एकच लगबग सुरू होते. ' जागतिक पर्यावरण दिन ' साजरा करण्यासाठी शाळेपासून मंत्रालयपर्यंत भाषणे, चर्चासत्रे , वृक्षारोपण दिखाव्याचे कार्यक्रम , चित्रकला स्पर्धा, फलक लेखन, घोषणाबाजी आणि झाडे लावा, झाडे लावा या सर्व गोंधळात त्या झाडांचा जीव गुदमरून दुसऱ्या - तिसऱ्याच दिवशी ते झाड मरून जाते. सोशल मीडियावर झाडे लावतांनाचे हिरवेगार फोटो आणि पर्यावरणाचे संदेश स्टेटस म्हणून झळकू लागतात. पण , ६ जून उजाडताच पुन्हा तीच जुनी प्रथा सुरू होते, प्लॅस्टिकचा बेसुमार वापर , कर्कश आवाज, पाण्याचा अपव्यय , कचऱ्याचे ढीग आणि नदी स्वच्छतेकडे दुर्लक्ष, नालीचे पाणी नदीत सोडणे आणि एकंदरीत निसर्गाकडे आपण दुर्लक्ष करतो. आज आपण अशा वळणावर उभे आहोत , जिथे पर्यावरण रक्षण हा केवळ एका दिवसाचा भाषणाचा उत्सव किंवा केवळ निबंध लिहिण्याचा विषय राहिलेला नाही. ती आज या पृथ्वीवर मानवाचे अस्तित्व टिकवून ठेवण्यासाठीची ' करो या मरो ' अशी परिस्थिती बनली आहे. आज एकविसावे शतक विज्ञानाच्या आणि तंत्रज्ञा...