साप्ताहिक शिक्षक ध्येय ३० ऑक्टोबर २०२३

साप्ताहिक शिक्षक ध्येय दिनांक ३० ऑक्टोबर २०२३

संपादकीय

हा जन्म का व कशासाठी?

मानवी जीवनाचे सुख कश्यात आहे? खरे सुख समाधानात आहे, त्यागात आहे. कोण कश्याने समाधानी होईल हे सांगणे कठीण आहे.

समाधान हीच आत्म्याची एक अवस्था आहे. आत्म्याची आनंदमयी अवस्था.

नामाचा परीसस्पर्श झाला की मानवी जीवनाला सोन्याची झळाळी येते. अशा प्रकारचा समाधानी व्यक्ती आपल्या निरपेक्ष कामाने, निस्वार्थ वृत्तीने, दृढनिश्चयी स्वभावाने इतरांच्याही जीवनात प्रसन्नतेची पहाट फुलवतो.

आपण आशावादी, प्रयत्नवादी राहण्याइतकेच समाधानी राहणे हेही तितकेच महत्त्वाचे आहे. आपल्याला ज्यात समाधान मिळते ते शोधणे आवश्यक आहे. आपले कर्मच आपल्याला समाधानी बनवते.

आपण आपले नित्य कर्तव्य, कर्म प्रामाणिकपणे केले पाहिजे. आपला कामचुकारपणा जरी इतरांच्या लक्षात नाही आला तरी आपण तो जाणतोच ना. कुणी बोलो अथवा न बोलो आपण आपल्यातील प्रामाणिकतेचा, परिपूर्णतेचा, आवडीचा, सतत ध्यास घेतला पाहिजे. त्याने आपोआपच समाधान लाभते.

त्याग, दया, परोपकार, पवित्रता, प्रामाणिकपणा हे गुण. या सद्गुणांची जोपासना जेवढी जास्त, या गुणांची वृद्धी जास्त, तेवढे आपण मनाने स्थिर, संतुष्ट, एकाग्र व समाधानी राहू शकू.

सुख हे मानण्यावर आहे असे म्हणतात. तुमच्याजवळ जे काही आहे त्याचा पुरेपूर वापर करून अवघे विश्व सुखी करण्याचा प्रयत्न करावा.

बदल स्वतः पासून सुरु करा. आपण प्रत्येक कामात, गोष्टीत आनंद मानायला शिका. आनंद वाटा आनंद मिळेल. सुख वाटा सुखी व्हाल. आनंदी, सुखी समाधानी ही एक मनाची उच्चतम अवस्था आहे.

मी एक आनंदस्वरूप आत्मा आहे. परमात्म्याने माझी निर्मिती का आणि कशासाठी केली आहे? हे ज्या दिवशी आपणास समजेल त्या दिवशी खरे समाधान आपल्याला मिळेल. मग त्यानंतर कश्याचीच गरज उरणार नाही. आपले ध्येय ठरलेले असेल आणि आपले कर्म पण ठरलेले असेल. त्यात आनंद, समाधान मिळवत पुढील काळ आपण मनसोक्तपणे जगू शकतो.. कारण आपल्याला अंतिम जाणीव झालेली असेल की आत्मा आणि परमात्मा एकच आहे. आपल्याला मुक्कामी कुठे जायचे आहे. शेवटी हे सर्व उमगल्यानंतर कशाचीही कमतरता भासत नाही. आनंद, सुख आणि समाधान ओसंडून वाहू लागते.

संपूर्ण साप्ताहिक शिक्षक ध्येय अंक वाचण्यासाठी....

इथे क्लिक करा... CLICK HERE

एकूण पाने : 88

★ आजचा शिक्षक ध्येयचा अंक वाचायला विसरु नका...

★ सर्व वार्षिक वर्गणीदारांना आजचा अंक Shikshak Dhyey India या ॲपवर उपलब्ध

इतरांसाठी खालील ठिकाणी आजचा अंक उपलब्ध

https://tinyurl.com/bddp2rje

★ शिक्षक ध्येय® : विद्यार्थी, पालक आणि शिक्षक यांचे एकमेव मान्यताप्राप्त राज्यस्तरीय मुक्त व्यासपीठ...

संकेतस्थळ आजच भेट द्या..

https://shikshakdhyey.co.in

शिक्षक ध्येय कुटुंब ऍप

लिंकवर क्लीक करून आपले ओळखपत्र आजच मिळवा... (33,017 सदस्य)