एसटी: आता कंडक्टरला करा फोन पे... जी पे...

 

एसटी: आता कंडक्टरला करा फोन पे... जी पे...

सुट्ट्या पैशांचा प्रश्न मिटला...

राज्य मार्ग परिवहन महामंडळाच्या (एसटी) सर्व बसमध्ये आता प्रवाशांना एसटीचे तिकीट ऑनलाइन देता येणार आहे. त्यामुळे सुट्ट्या पैसांची कटकट सुटणार असून, जागेवर बसून वाहकाकडील मशीनवर असलेल्या क्यूआर कोड स्कॅन करायचा आणि आपले तिकीट घ्यायचे. त्यामुळे प्रवाशी आणि एसटीला याचा फायदा होणार आहे.

   राज्यातील सर्व विभागातील आगारांमधून धावणाऱ्या एसटी बसमध्ये ही ऑनलाइन तिकीट काढण्याची सुविधा सुरू करण्यात येणार आहे. याबाबत महाराष्ट्र राज्य मार्ग परिवहन महामंडळाचे व्यवस्थापक (वाहतूक) यांनी विभाग नियंत्रकांना नुकतेच कळविले आहे. आज चहावाल्यापासून मॉलपर्यंत सगळीकडे ऑनलाईन पैसे देवाण- घेवाण करण्याची सुविधा आहे. मात्र, दररोज लाखो रुपयांचे 

कलेक्शन असलेल्या सार्वजनिक वाहतुकीमध्ये ऑनलाईन सुविधा का नाही? असा प्रश्न प्रवाशांकडून अनेकवेळा उपस्थित केला जात होता. त्याप्रमाणे एसटीतही दररोज सुट्टे पैशावरून प्रवाशी आणि वाहक यांच्यात शाब्दीक वाद होत असे. त्यामुळे एसटी विभागाने माहिती तंत्रज्ञानाला आत्मसात करून प्रवाशांना ऑनलाइन तिकीट मिळावे, यासाठी पहिल्या टप्प्यात क्यूआर कोडच्या माध्यमातून तिकीट देण्याची व्यवस्था सर्व बसमध्ये करण्यात आली आहे. तर, पुढील टप्प्यात प्रवाशांना डेबीट व क्रेडीट कार्डवरून देखील तिकीट काढण्याची सोय केली जाणार आहे. तसेच, वाहकांना देखील आता रोख पैसे जास्त बाळगावे लागणार नाहीत. एसटी महामंडळाने सर्व विभागांना ही सेवा सुरू करण्याच्या सूचना दिल्या आहेत.

@पैसे कट झाल्यास तक्रारीची सोय

  ऑनलाइन तिकीट काढताना कोणतेही पैसे कट झाले आणि तिकीट न आल्यास प्रवाशांना मदत मिळणार आहे. त्यासाठी एसटीकडून '४००' हा हेल्पलाइन क्रमांक सुरू करण्यात आला आहे. तसेच, नागरिक ८८००६८८००६ या क्रमांकास संपर्क साधू शकतात. त्याबरोबरच wecare@airtelbank.com येथे संपर्क साधून नागरिक मदत मागू शकतील. हे क्रमांक हे २४ तास उपलब्ध असणार आहेत. 

प्रवाशांना चिल्लर पैसे परत करण्यापासून वाहकाची मुक्तता

     एस टी महामंडळ तंत्रज्ञानाला आत्मसात करून प्रवाशांना आॅनलाईन तिकीट मिळावे म्हणून पहिल्या टप्प्यात QR कोड स्कॅन करुन तिकीट देण्यात येणार आहे. पुढे जाऊन डेबिट, क्रेडिट कार्ड वरुन देखील प्रवाशांना तिकीट मिळणार आहे. प्रवाशांना ऑनलाईन तिकीट सुविधा उपलब्ध झाल्याने प्रवाशांना चिल्लर पेसै परत करण्यापासून वाहकाची मुक्तता होणार आहे.

(शिक्षक ध्येय नेटवर्क: प्रभाकर कोळसे, कार्यकारी संपादक 9823539325)

https://chat.whatsapp.com/GdDvpSNPQ4oG158NQNLwwc

https://play.google.com/store/apps/details?id=co.paige.wvwnz